"Manchester Yunayted" bosh murabbiyi Erik ten Xag hujumchi Rasmus Xoylundning o‘yinlari haqida gapirdi.
"U joriy mavsumda uchta jarohat oldi, ammo baribir 14 ta gol urdi. Menimcha, bu yosh futbolchi uchun juda yaxshi natija. Biz u bilan shartnoma imzolashga qaror qilganimizda, bu futbolchini nafaqat joriy mavsum, balki kelajak uchun ham sotib olayotganimizni aytdik.
U rivojlanishi kerak, unga vaqt kerak. Qish oldidan u Premyer-ligadagi birinchi golini urish uchun kurashdi. U juda kuchli xarakterga ega. U har bir uchrashuvni intiqlik bilan kutadi", dedi Ten Xag matbuot anjumanida.
