“Aston Villa” keyingi mavsumda Chempionlar ligasida ishtirok etadi.

APLning 34-turidan o‘rin olgan qoldirilgan o‘yinda “Tottenxem” “Manchester Siti”ga imkoniyatni boy berdi (0:2). Chempionat yakunlanishiga bir tur qolganida “shporlar” 68 ochko bilan turnir jadvalining 4-pog‘onasida borayotgan birmingemliklardan 5 ochko ortda qolmoqda.

Shu tariqa, “Aston Villa” mavsumni 4-o‘rinda yakunlashi kafolatlangan, bu esa Unai Emeri jamoasiga keyingi mavsumda Chempionlar ligasida o‘ynash imkonini beradi. Eslatib o‘tamiz, “Aston Villa” oxirgi marta 1982/83 yilgi mavsumda turnirda ishtirok etgan.