“Астон Вилла” кейинги мавсумда Чемпионлар лигасида иштирок этади.
АПЛнинг 34-туридан ўрин олган қолдирилган ўйинда “Тоттенхэм” “Манчестер Сити”га имкониятни бой берди (0:2). Чемпионат якунланишига бир тур қолганида “шпорлар” 68 очко билан турнир жадвалининг 4-поғонасида бораётган бирмингемликлардан 5 очко ортда қолмоқда.
Шу тариқа, “Астон Вилла” мавсумни 4-ўринда якунлаши кафолатланган, бу эса Унаи Эмери жамоасига кейинги мавсумда Чемпионлар лигасида ўйнаш имконини беради. Эслатиб ўтамиз, “Астон Вилла” охирги марта 1982/83 йилги мавсумда турнирда иштирок этган.
