UFC афсонаси Хабиб Нурмагомедов промоушен президенти Дaна Уайтнинг унинг ҳозирги вазни ва октагонга қайтиши мумкинлиги ҳақидаги баёнотига муносабат билдирди.
Аввалроқ Дaна Уайт Хабибнинг қайтиш эҳтимолини инкор этиб, шундай деган эди:
«Ўйлашимча, биз ҳозир уни ортга қайтара олмаймиз. Бунинг устига, унинг вазни ҳозир 100 килограмм ёки ундан ҳам кўпроқ чиқса керак. У яхши ҳаёт кечирмоқда, қайтадан жанг қилишни хоҳлайди деб ўйламайман».
Хабиб Нурмагомедов ижтимоий тармоқдаги саҳифасида бунга қисқа қилиб жавоб қайтарди:
«Мен 93 килограммман, Дaна», — деб ёзди у.
Эслатиб ўтамиз, Хабиб Нурмагомедов ММАда 29 та жанг ўтказиб, уларнинг барчасида ғалаба қозонган (29-0). У 2020 йилда енгил вазн тоифасида UFC чемпиони мақомида фаолиятини якунлаган эди.
