«Барселона» мавсумолди тайёргарлиги доирасида Швейцариянинг «Базель» клубини 5:2 ҳисобида мағлуб этди. Учрашув Базелдаги «Санкт-Якоб Парк» стадионида бўлиб ўтди.
Ҳисоб 34-дақиқада Карим Адейеми томонидан очилди. Биринчи бўлим якуни арафасида Жан Дукуре «Базель»нинг жавоб голини урди ва жамоалар танаффусга 1:1 ҳисоби билан чиқди.
Иккинчи бўлим бошланиши билан Ҳамза Абделкарим «Барселона»ни яна олдинга олиб чиқди. 81-дақиқада Ламин Ямаль пенальтидан ҳисобни 3:1 кўринишига келтирди. Орадан уч дақиқа ўтиб Казим Олайгбе 11 метрлик жарима зарбасини аниқ амалга ошириб, фарқни қисқартирди.
Учрашув сўнггида «Барселона» футболчиси Жессе Бисиву ўзини кўрсатди. У 89 ва 90+1-дақиқаларда кетма-кет икки гол уриб, якуний ҳисобни белгилади — 2:5.
Шу тариқа, Ҳанси Флик шогирдлари мавсумолди тайёргарлигида навбатдаги ғалабасини қўлга киритди. Каталонияликлар кейинги синов учрашувида 19 август куни Жоан Гампер кубоги доирасида «Ал-Аҳли»га қарши майдонга тушади.
