«Barselona» mavsumoldi tayyorgarligi doirasida Shveysariyaning «Bazel» klubini 5:2 hisobida mag‘lub etdi. Uchrashuv Bazeldagi «Sankt-YAkob Park» stadionida bo‘lib o‘tdi.

Hisob 34-daqiqada Karim Adeyemi tomonidan ochildi. Birinchi bo‘lim yakuni arafasida Jan Dukure «Bazel»ning javob golini urdi va jamoalar tanaffusga 1:1 hisobi bilan chiqdi.

Ikkinchi bo‘lim boshlanishi bilan Hamza Abdelkarim «Barselona»ni yana oldinga olib chiqdi. 81-daqiqada Lamin Yamal penaltidan hisobni 3:1 ko‘rinishiga keltirdi. Oradan uch daqiqa o‘tib Kazim Olaygbe 11 metrlik jarima zarbasini aniq amalga oshirib, farqni qisqartirdi.

Uchrashuv so‘nggida «Barselona» futbolchisi Jesse Bisivu o‘zini ko‘rsatdi. U 89 va 90+1-daqiqalarda ketma-ket ikki gol urib, yakuniy hisobni belgiladi — 2:5.

Shu tariqa, Hansi Flik shogirdlari mavsumoldi tayyorgarligida navbatdagi g‘alabasini qo‘lga kiritdi. Kataloniyaliklar keyingi sinov uchrashuvida 19 avgust kuni Joan Gamper kubogi doirasida «Al-Ahli»ga qarshi maydonga tushadi.