"Inter" sport direktori o‘rinbosari Dario Bachchin bosh murabbiy Simone Indzagi, shuningdek, futbolchilar Lautaro Martines va Nikolo Barellalar bilan shartnoma uzaytirilishi mumkinligi haqida gapirdi.

"Biz buning ustida ishlayapmiz. Har tomondan oldinga intilish bor. Raqamlar bo‘yicha kelishib olishimiz kerak, lekin o‘zaro xohish bo‘lsa, unda hech qanday muammo bo‘lmasligi kerak. O‘ylaymanki, hamma xursand bo‘ladi", - dedi funksioner Football-Italia bilan suhbatda.

Eslatib o‘tamiz, joriy Italiya chempionatida "Inter" klubi muddatidan avval Skudettoni qo‘lga kiritgandi.