Ispaniya chempionatining 36-turi doirasidagi o‘yinda "Barselona" safarda "Almeriya"ni mag‘lub etdi. Bu Xavi Ernandesning "Barselona" bosh murabbiyi sifatida La Ligadagi 100-o‘yini bo‘ldi va uning fikricha, o‘yinchilar o‘yinda professionallik ko‘rsatdi:
"Biz qiyin ahvoldamiz, kuboklarni olishni xohladik, ammo bu mavsumda endi buning iloji yo‘q. Ammo mening professional va fidoyi jamoam bor, ular biz Superkubokga chiqishimiz va keyingi mavsumni g‘alaba bilan boshlashimiz uchun qo‘lidan kelganini qilmoqda”, - deya Xavining so‘zlarini keltiradi “Barselona” rasmiy sayti.
Shu bilan birga, Xavining o‘zi kelasi mavsumda "Barselona"da bo‘ladimi yoki yo‘qmi, hozircha noaniq.
