Испания чемпионатининг 36-тури доирасидаги ўйинда "Барселона" сафарда "Альмерия"ни мағлуб этди. Бу Хави Эрнандеснинг "Барселона" бош мураббийи сифатида Ла Лигадаги 100-ўйини бўлди ва унинг фикрича, ўйинчилар ўйинда профессионаллик кўрсатди:
"Биз қийин аҳволдамиз, кубокларни олишни хоҳладик, аммо бу мавсумда энди бунинг иложи йўқ. Аммо менинг профессионал ва фидойи жамоам бор, улар биз Суперкубокга чиқишимиз ва кейинги мавсумни ғалаба билан бошлашимиз учун қўлидан келганини қилмоқда”, - дея Хавининг сўзларини келтиради “Барселона” расмий сайти.
Шу билан бирга, Хавининг ўзи келаси мавсумда "Барселона"да бўладими ёки йўқми, ҳозирча ноаниқ.
