Angelos Postekoglu "Tottenxem"dan yozda kamida uchta futbolchini sotib olishni so‘radi.

Qayd etilishicha, bosh murabbiy bir transfer oynasida amalga oshirilishi mumkin bo‘lgan xaridlar ko‘lami haqida real fikr bildiradi, biroq klubda Premyer-liganing moliyaviy qoidalaridan tashqariga chiqmaydigan ma’lum mablag‘ zaxirasi mavjud. Shu tariqa, yangi potensial futbolchilar orasidan avstraliyalik mutaxassis hujumchi va markaziy yarim himoyachi sotib olishni maqsad qilgan.

Hozircha "shporlar"ning asosiy maqsadi kim ekanligi noma’lum, ammo klub "Brentford" hujumchisi Ayvan Tounini sotib olishni ko‘rib chiqmoqda va bir necha oy davomida "Chelsi" yarim himoyachisi Konor Gallaxerni kuzatib kelmoqda.