Dortmundning "Borussiya" klubi Marko Roys o‘rniga yangi yarim himoyachi qidirmoqda. Nemis futbolchisi joriy mavsum oxirida klubni tark etadi.
Transfermarkt xabariga ko‘ra, nemis top-klubi "Krasnodar" yarim himoyachisi Eduard Spersyanga qiziqish bildirmoqda. Yarim himoyachi yozgi transfer oynasida Chempionlar ligasi finalchisi safiga qo‘shilishi mumkin.
Spersyanning bozor qiymati 18 million yevroga baholanmoqda va uning shartnomasi 2026 yilning o‘rtalariga qadar amal qiladi. Joriy mavsumda Eduard "buqalar" safida 32 ta o‘yinda maydonga tushdi. Uning hisobida 11 ta gol va 7 ta golli uzatma bor.
