«Liverpul»ning yangi bosh murabbiyi Arne Slot «Benfika»ning 23 yoshli markaziy yarim himoyachisi Orkun Kekchyu transferiga qiziqmoqda. Bu haqda "Liverpool Echo" xabar bermoqda.

Manba bergan xabarga ko‘ra, niderlandiyalik murabbiy Kekchyuni jamoada ko‘rmoqchi.

Joriy mavsumda yarim himoyachi «Benfika» safida barcha turnirlar doirasida 43 ta o‘yinda maydonga tushib, 7 ta gol urdi va 11 ta golli uzatmani amalga oshirdi. Kekchyuning Portugaliya klubi bilan amaldagi shartnomasi 2028 yilning yoziga qadar mo‘ljallangan.