Joze Mourinyo yaqin orada “Fenerbaxche”ni boshqarishi kerak.
Portugaliyalik allaqachon Istanbul klubi bilan ishlash istagini tasdiqlagan. Shu bilan birga, Joze o‘zining tayinlanishi hali to‘liq rasmiylashtirilmaganini ta’kidladi.
Mourinyo fikr bildirar ekan, "Fenerbaxche" Chempionlar ligasining asosiy bosqichiga yo‘l olishi mumkinmi, degan savolga javob qaytardi.
“Chempionlar ligasiga chiqish oson bo‘lmaydi. Biz uchta saralash bosqichidan o‘tishimiz kerak bo‘ladi. Shu bilan birga, 8 nafar "Fenerbahche" futbolchisi Yevroga boradi, ular yig‘inda bo‘lmaydi.
Bu qiyin bo‘ladi, lekin men qiyinchiliklarni yaxshi ko‘raman. “Fenerbaxche”ni Chempionlar ligasiga olib chiqishga harakat qilaman”, dedi Mourinyo Sky Sports nashriga.
