FIFA so‘nggi Afrika kubogi to‘purarini jazoladi.
Xalqaro futbol federasiyasi Ekvatorial Gvineya sardori Emilio Nsue o‘zining 11 yillik xalqaro faoliyati davomida hech qachon Afrika davlati sharafini himoya qila olmagani haqida qaror chiqardi.
2013 yilda hujumchi Ekvatorial Gvineya terma jamoasida o‘ynay olmasligi haqida qaror qilingan edi, chunki u Ispaniya yoshlar terma jamoalarida 26 o‘yin o‘tkazgan va 2011 yilgi Yevropa chempionatida ishtirok etgan. Ekvatorial Gvineya futbol federasiyasi Ispaniyadan Nsueni qo‘yib yuborishni so‘ragan, biroq FIFA orqali o‘z iltimosini bildirmagan.
2013 yilda Xalqaro futbol federasiyasi 2014 yilgi Jahon chempionatiga saralashda gvineyaliklarga ikkita texnik mag‘lubiyat berdi - bu forvardning terma jamoadagi dastlabki ikki o‘yini edi.
Biroq Nsue terma jamoaga chaqirilishda davom etdi va 2023 yilgi Afrika kubogida 5 ta gol bilan to‘purar bo‘ldi.
2024 yil mart oyida FIFA yangi tergov boshladi va hatto futbolchining o‘zidan tushuntirish so‘radi, biroq u belgilangan muddatda javob bermadi.
Bugun qaror e’lon qilindi, unga ko‘ra Ekvatorial Gvineya 2026 yilgi jahon chempionati saralashida Namibiya va Liberiya bilan o‘yinlarda texnik mag‘lubiyatga uchragan (har ikki holatda ham hujumchi g‘alaba golini urgan). Nsue olti oyga terma jamoa o‘yinlarida ishtirok etishdan chetlashtirildi, mamlakat futbol federasiyasi esa 164 ming dollar jarimaga tortildi.
Emilio Ekvatorial Gvineya tarixidagi eng yaxshi to‘purar hisoblanadi. U 43 uchrashuvda 22 ta gol urgan.
