"Chelsi" yarim himoyachisi Enso Fernandesga bo‘lajak Olimpiadada ishtirok etishiga ruxsat etilmaydi. Jahon chempioni iyuldan avgustgacha bo‘lib o‘tadigan turnirda Argentina olimpiya terma jamoasi uchun kurash olib borishni rejalashtirgandi.
"Chelsi" yaqinda murabbiyini almashtirdi: dushanba kuni londonliklar may oyi oxirida ketgan Maurisio Pochettino o‘rniga Enso Mareska tayinlanganini e’lon qildi.
Enso Fernandes so‘nggi mavsumda "ko‘klar" safida 40 ta o‘yinda maydonga tushdi. Argentinalik futbolchi barcha musobaqalarda yettita gol urdi va uchta golli uzatmani amalga oshirdi.
