"Челси" ярим ҳимоячиси Энцо Фернандесга бўлажак Олимпиадада иштирок этишига рухсат этилмайди. Жаҳон чемпиони июлдан августгача бўлиб ўтадиган турнирда Аргентина олимпия терма жамоаси учун кураш олиб боришни режалаштирганди.
"Челси" яқинда мураббийини алмаштирди: душанба куни лондонликлар май ойи охирида кетган Маурисио Почеттино ўрнига Энцо Мареска тайинланганини эълон қилди.
Энцо Фернандес сўнгги мавсумда "кўклар" сафида 40 та ўйинда майдонга тушди. Аргентиналик футболчи барча мусобақаларда еттита гол урди ва учта голли узатмани амалга оширди.
