Londonning “Arsenal” klubi markaziy himoyachisi Uilyam Salibaning bo‘lajak Yevropa chempionatida Fransiya terma jamoasining asosiy tarkibiga kirib olishi qiyin bo‘ladi.
23 yoshli futbolchi “kanonirlar” safida yana bir omadli mavsum o‘tkazdi, biroq terma jamoa hamon unga ishonishga shoshilmayapti.
L'Equipe nashri xabariga ko‘ra, "uch ranglilar" bosh murabbiy Yevro-2024 uchun Ibrahima Konate va Dayo Upamekano duyetiga ishonmoqchi.
So‘nggi mavsumda Uilyam Saliba Mikel Arteta jamoasida 50 ta o‘yin o‘tkazib, ikkita gol va bitta golli uzatmani amalga oshirgan. Futbolchi Fransiya terma jamoasi safida 13 ta o‘yin o‘tkazgan.
