Лондоннинг “Арсенал” клуби марказий ҳимоячиси Уильям Салибанинг бўлажак Европа чемпионатида Франция терма жамоасининг асосий таркибига кириб олиши қийин бўлади.
23 ёшли футболчи “канонирлар” сафида яна бир омадли мавсум ўтказди, бироқ терма жамоа ҳамон унга ишонишга шошилмаяпти.
L'Equipe нашри хабарига кўра, "уч ранглилар" бош мураббий Евро-2024 учун Ибраҳима Конате ва Дайо Упамекано дуетига ишонмоқчи.
Сўнгги мавсумда Уильям Салиба Микель Артета жамоасида 50 та ўйин ўтказиб, иккита гол ва битта голли узатмани амалга оширган. Футболчи Франция терма жамоаси сафида 13 та ўйин ўтказган.
