Londonning "Tottenxem" klubi "Shtutgart" markaziy himoyachisi Xiroki Itoga e’tibor qaratmoqda. Jurnalist Kristian Falk bergan ma’lumotlarga ko‘ra, "shporlar" bosh murabbiyi Ange Postekoglu 25 yoshli yaponiyalikni kelasi mavsumda o‘z jamoasida ko‘rishni istaydi.
Himoyachini Transfermarkt 30 million yevroga baholamoqda, biroq “Shtutgart” ko‘proq talab qilishi mumkin. Futbolchining jamoa bilan amaldagi shartnomasi yana uch yilga amal qiladi.
O‘tgan mavsumda Ito "Shtutgart"ga Germaniya Bundesligasida ikkinchi o‘rinni egallashga yordam berdi. Germaniya chempionatining 26 uchrashuvida yaponiyalik futbolchi ikkita golli uzatmani amalga oshirgan.
