Лондоннинг "Тоттенхэм" клуби "Штутгарт" марказий ҳимоячиси Хироки Итога эътибор қаратмоқда. Журналист Кристиан Фальк берган маълумотларга кўра, "шпорлар" бош мураббийи Анге Постекоглу 25 ёшли японияликни келаси мавсумда ўз жамоасида кўришни истайди.
Ҳимоячини Transfermarkt 30 миллион еврога баҳоламоқда, бироқ “Штутгарт” кўпроқ талаб қилиши мумкин. Футболчининг жамоа билан амалдаги шартномаси яна уч йилга амал қилади.
Ўтган мавсумда Ито "Штутгарт"га Германия Бундеслигасида иккинчи ўринни эгаллашга ёрдам берди. Германия чемпионатининг 26 учрашувида япониялик футболчи иккита голли узатмани амалга оширган.
