Luis de la Fuentening fikricha, Ispaniya terma jamoasi Yevro-2024'da g‘alaba qozonishga qodir.
Ispaniyaliklar Italiya, Xorvatiya va Albaniya bilan bir guruhdan joy olgan.
"Biz allaqachon Millatlar Ligasida Italiya va Xorvatiya bilan uchrashganmiz. Bular juda kuchli jamoalar. Buni tushunish uchun faqat ularning yutuqlari, tarixi yoki o‘yinchilariga qarash kerak.
Lekin Albaniyani unutmaslik kerak. Albaniyada juda yaxshi o‘yinchilar bor, bu jamoa oxirgi paytlarda sezilarli darajada o‘sdi.
Asosiy maqsad hamisha – kurashish va g‘alaba qozonishga harakat qilish. Ishonchim komilki, chempionlik uchun kurasha olamiz. Biroq, faqat bitta g‘olib bo‘ladi va bu sovrinni qo‘lga kiritishga qodir yaxshi jamoalar ko‘p. O‘ylaymanki, biz tayyormiz, ammo chempionlik uchun kurashadigan jamoaga ega bo‘lish uchun o‘sish va takomillashtirishga hali vaqtimiz bor", — dedi Ispaniya terma jamoasi bosh murabbiyi.
