Луис де ла Фуэнтенинг фикрича, Испания терма жамоаси Евро-2024'да ғалаба қозонишга қодир.
Испанияликлар Италия, Хорватия ва Албания билан бир гуруҳдан жой олган.
"Биз аллақачон Миллатлар Лигасида Италия ва Хорватия билан учрашганмиз. Булар жуда кучли жамоалар. Буни тушуниш учун фақат уларнинг ютуқлари, тарихи ёки ўйинчиларига қараш керак.
Лекин Албанияни унутмаслик керак. Албанияда жуда яхши ўйинчилар бор, бу жамоа охирги пайтларда сезиларли даражада ўсди.
Асосий мақсад ҳамиша – курашиш ва ғалаба қозонишга ҳаракат қилиш. Ишончим комилки, чемпионлик учун кураша оламиз. Бироқ, фақат битта ғолиб бўлади ва бу совринни қўлга киритишга қодир яхши жамоалар кўп. Ўйлайманки, биз тайёрмиз, аммо чемпионлик учун курашадиган жамоага эга бўлиш учун ўсиш ва такомиллаштиришга ҳали вақтимиз бор", — деди Испания терма жамоаси бош мураббийи.
