«Roma» hujumchisi Andrea Belotti yana bir bor klubini o‘zgartirishga yaqin turibdi.

30 yoshli futbolchi o‘tgan mavsumning ikkinchi yarmini ijara asosida «Fiorentina»da o‘tkazgandi. «Binafsharanglilar» forvardni sotib olish bo‘yicha muzokara o‘tkazmadi, shuning uchun u «Roma»ga qaytishi kerak. Biroq, aftidan, Belotti tez orada yana o‘z klubini o‘zgartiradi: jurnalist Anjelo Manjantening so‘zlariga ko‘ra, «Komo» futbolchi bilan shartnomani yopish arafasida.

«Bo‘rilar» rahbariyati italiyalikni 5 million yevroga sotishga rozi bo‘ldi. Andrea Belotti «Fiorentina» safida 24 ta o‘yinda 4 ta gol urgan.