«Рома» ҳужумчиси Андреа Белотти яна бир бор клубини ўзгартиришга яқин турибди.

30 ёшли футболчи ўтган мавсумнинг иккинчи ярмини ижара асосида «Фиорентина»да ўтказганди. «Бинафшаранглилар» форвардни сотиб олиш бўйича музокара ўтказмади, шунинг учун у «Рома»га қайтиши керак. Бироқ, афтидан, Белотти тез орада яна ўз клубини ўзгартиради: журналист Анжело Манжантенинг сўзларига кўра, «Комо» футболчи билан шартномани ёпиш арафасида.

«Бўрилар» раҳбарияти италияликни 5 миллион еврога сотишга рози бўлди. Андреа Белотти «Фиорентина» сафида 24 та ўйинда 4 та гол урган.