“Lill” hujumchisi Jonatan Devid faoliyatini “Manchester Yunayted”da davom ettirishi mumkin.

Team Talk xabariga ko‘ra, 24 yoshli kanadalik yozgi transfer oynasida "Lill"ni tark etish ehtimoli yuqori. Devidning yangi klubi "Manchester Yunayted" bo‘lishi mumkin, u forvard uchun 40 million yevro to‘lashga tayyor, deya ta’kidlaydi manba.

Ma’lum qilinishicha, "qizil iblislar" hali yakuniy qarorga kelmagan, ular bo‘lajak Amerika kubogida Devidning Kanada jamoasidagi o‘yiniga baho berishmoqchi.

O‘tgan mavsumda Devid barcha turnirlarda 47ta o‘yinda maydonga tushib, 26ta gol urdi va 9ta golga assistentlik qildi.