“Лилль” ҳужумчиси Жонатан Дэвид фаолиятини “Манчестер Юнайтед”да давом эттириши мумкин.

Team Talk хабарига кўра, 24 ёшли канадалик ёзги трансфер ойнасида "Лилль"ни тарк этиш эҳтимоли юқори. Дэвиднинг янги клуби "Манчестер Юнайтед" бўлиши мумкин, у форвард учун 40 миллион евро тўлашга тайёр, дея таъкидлайди манба.

Маълум қилинишича, "қизил иблислар" ҳали якуний қарорга келмаган, улар бўлажак Америка кубогида Дэвиднинг Канада жамоасидаги ўйинига баҳо беришмоқчи.

Ўтган мавсумда Дэвид барча турнирларда 47та ўйинда майдонга тушиб, 26та гол урди ва 9та голга ассистентлик қилди.