"Bavariya" va "Fulxem" yarim himoyachi Joau Palinya uchun muzokaralar olib borishmoqda.
Shu bilan birga, 28 yoshli futbolchining transferi borasida klublar o‘rtasida to‘liq kelishuvga erishilmagan.
Bu haqda Sky jurnalisti Florian Plettenberg xabar berdi.
"Bavariya" hozirda Palinya uchun 43-45 million yevro taklif qilmoqda. Portugaliyalik futbolchi Bundesliga grandi bilan 2028 yilning o‘rtalariga qadar shartnoma imzolashi mumkin.
Palinya va "Bavariya" o‘rtasida og‘zaki kelishuv mavjud. Futbolchi yozda Myunxenga o‘tishi mumkinligi haqida optimistik fikrda.