"Nyukasl" rahbariyati hujumchi Aleksandr Isakni jamoada saqlab qolish niyatida. Bu haqda jurnalist Ekrem Qo‘nur xabar bermoqda.

Manba bergan xabarga ko‘ra, "qarg‘alar" Isak yangi mavsumni jamoa bilan boshlashi uchun bor kuchini sarflaydi. Avvalroq, "Chelsi" 24 yoshli shvesiyalik forvard uchun 120 million yevro to‘lashga tayyorligi haqida xabar berilgandi.

O‘tgan mavsumda Isak barcha musobaqalarda 40 ta o‘yinda qatnashib, 25 ta gol urdi va 2 ta golga assistentlik qildi. Isakning "Nyukasl" bilan amaldagi shartnomasi 2028 yilning o‘rtalariga qadar tuzilgan. Transfermarkt portali ma’lumotlariga ko‘ra, futbolchining narxi 75 million yevroga teng.