"Ньюкасл" раҳбарияти ҳужумчи Александр Исакни жамоада сақлаб қолиш ниятида. Бу ҳақда журналист Экрем Қўнур хабар бермоқда.
Манба берган хабарга кўра, "қарғалар" Исак янги мавсумни жамоа билан бошлаши учун бор кучини сарфлайди. Аввалроқ, "Челси" 24 ёшли швециялик форвард учун 120 миллион евро тўлашга тайёрлиги ҳақида хабар берилганди.
Ўтган мавсумда Исак барча мусобақаларда 40 та ўйинда қатнашиб, 25 та гол урди ва 2 та голга ассистентлик қилди. Исакнинг "Ньюкасл" билан амалдаги шартномаси 2028 йилнинг ўрталарига қадар тузилган. Transfermarkt портали маълумотларига кўра, футболчининг нархи 75 миллион еврога тенг.
