"Jenoa" darvozaboni Xosep Martines "Inter"ga o‘tishga yaqin turibdi va 4 iyul kuni u "neradzurrilar"ga o‘tish oldidan Milanda tibbiy ko‘rikdan o‘tishni boshladi.
Sport Mediaset nashri xabariga ko‘ra, 26 yoshli ispaniyalik posbon "Inter" bilan yiliga 1,5 million yevro maosh oladigan besh yillik shartnoma imzolaydi. Milan klubi darvozabonning transferi uchun "Jenoa"ga 13 million yevro to‘laydi.
Martines 2024/25 yilgi mavsumda "Inter"ning ikkinchi darvozaboni bo‘ladi, ammo "neradzurrilar" unga 2025/26 yilgi mavsumda boshlang‘ich tarkibdan o‘rin berishni rejalashtirmoqda, o‘shanda Yan Zommer deyarli 37 yoshga to‘ladi.
Martines 2023/24 yilgi mavsumda “Jenoa” safida A Seriyada 36 ta o‘yinda maydonga tushib, 8 tasida o‘z darvozasi daxlsizligini saqlab qolgan.
