"Женоа" дарвозабони Хосеп Мартинес "Интер"га ўтишга яқин турибди ва 4 июль куни у "нерадзуррилар"га ўтиш олдидан Миланда тиббий кўрикдан ўтишни бошлади.
Sport Mediaset нашри хабарига кўра, 26 ёшли испаниялик посбон "Интер" билан йилига 1,5 миллион евро маош оладиган беш йиллик шартнома имзолайди. Милан клуби дарвозабоннинг трансфери учун "Женоа"га 13 миллион евро тўлайди.
Мартинес 2024/25 йилги мавсумда "Интер"нинг иккинчи дарвозабони бўлади, аммо "нерадзуррилар" унга 2025/26 йилги мавсумда бошланғич таркибдан ўрин беришни режалаштирмоқда, ўшанда Ян Зоммер деярли 37 ёшга тўлади.
Мартинес 2023/24 йилги мавсумда “Женоа” сафида А Серияда 36 та ўйинда майдонга тушиб, 8 тасида ўз дарвозаси дахлсизлигини сақлаб қолган.
