«Jirona» «Manchester Yunayted» yarim himoyachisi Donni van de Bek bilan shartnoma imzolaydi.

"Relevo" xabariga ko‘ra, transfer summasi 500 ming yevroni tashkil qiladi. Van de Bekning «Manchester Yunayted» bilan shartnomasi kelasi yozda yakuniga yetadi.

Eslatib o‘tamiz, niderlandiyalik yarim himoyachi 2020 yilda «Ayaks»dan 39 million yevro evaziga «Manchester Yunayted»ga o‘tgan edi.

Futbolchi o‘tgan mavsumni ijara asosida Frankfurtning «Ayntraxt» klubida o‘tkazdi va u yerda Bundesliganing 8 ta uchrashuvida qatnashdi.