Mashhur sobiq futbolchi Gari Linekerning fikricha, Yevropa chempionatidan keyin Angliya terma jamoasi bosh murabbiyini almashtiradi.

"O‘ylaymanki, bu Garet Sautgeyt uchun nima bo‘lishidan qat’iy nazar so‘nggi turniri bo‘ladi. Angliya Yevropa chempionatini yutgan taqdirda ham u o‘zi ketadi. U bu qarorni qabul qiladi. Men Frank Lempardning nomzodini e’tiborsiz qoldirmagan bo‘lardim. Menimcha, u taktik masalalarni tushunadi va futbolchilar uni hurmat qilishadi. Menimcha, u murabbiylik faoliyatida qaysidir ma’noda omadsiz bo‘lgan", - dedi Lineker The Rest Is Football bilan suhbatda.

E’tiborli tomoni, Frank Lempard bir yildan ortiq murabbiylik ishiga ega emas.