Saul Niges Madridning "Atletiko" klubini tark etishga yaqin turibdi.
Insayder Matteo Morettoning so‘zlariga ko‘ra, madridliklar bosh murabbiyi Diyego Simeone keyingi mavsumda yarim himoyachini o‘z rejalariga kiritmayapti.
Qayd etilishicha, "Sevilya" ayni damda Saul bilan shartnoma imzolash borasida muzokaralar olib bormoqda. Ispaniyalik futbolchi bilan 3 yillik shartnoma imzolanishi kutilmoqda.
O‘tgan mavsumda Saul La Ligada 34 ta o‘yinda maydonga tushib, 1 ta gol va 5 ta golli uzatmani amalga oshirdi.
