Birinchi o‘rta vazn (69,9 kg.gacha)da amaldagi WBA chempioni Israil Madrimov dunyoning kuchli uch nafar bokschisini sanab berdi.

"Ularning deyarli hammasi ham bir xilda, uchchalasi ham mutlaq jahon chempioni bo‘la olgan. Inoue, Krouford, Usik — men uchun shu uch bokschi dunyoning Top-3 ro‘yxatiga kiradi. Ular jangdan-jangga o‘zgarib boradi. Shuningdek, Bivol ham bor. Uni ham esdan chiqarmaslik kerak", — deya "BoksTV" YouTube-kanaliga intervyu bergan Madrimov.

Ma’lumot uchun, Isroid Madrimov sanab o‘tgan bokschilarning bari ikki vazn toifasida mutlaq jahon chempionlari hisoblanadi. Inoue yengil (53,5 kg) va ikkinchi yengil vazn (55,3 kg) toifalaridagi chempionlik kamarlarini o‘z qo‘lida birlashtirdi. Krouford – birinchi yarimo‘rta (63,5 kg) va yarimo‘rta (66,7 kg), Usik – birinchi og‘ir (90,7 kg) hamda superog‘ir vazn toifalarida mutlaq jahon chempioni.