Yevro-2016 finalida Krishtianu Ronaldu birinchi bo‘limda jarohat olib, almashtirilgandi.
Portugaliyalik futbolchi maydonni tark etgach, murabbiy sifatida harakat qila boshladi – u tinmay baqirib, sheriklariga maslahatlar berib turardi.
Portugaliya yakunda qo‘shimcha bo‘limlarda Fransiyani 1:0 hisobida mag‘lub etdi. Keyin jarohat olgan Ronaldu terma jamoani muvaffaqiyatga ruhlantirgani haqida chiroyli hikoya tug‘ildi.
Biroq o‘sha final ishtirokchisi Xose Fonte bu voqeani barbod qildi.
"Biz bor e’tiborimizni faqat g‘alabaga qaratgandik. Biz Ronalduning xatti-harakatlari haqida keyinroq, o‘yindan olingan suratlarni ko‘rib chiqqanimizda bilib oldik.
O‘shanda biz nima bo‘layotganini angladik. O‘yin davomida biz bor e’tiborimizni faqat g‘alaba qozonish vazifasiga qaratdik", dedi Fonte.
