Евро-2016 финалида Криштиану Роналду биринчи бўлимда жароҳат олиб, алмаштирилганди.
Португалиялик футболчи майдонни тарк этгач, мураббий сифатида ҳаракат қила бошлади – у тинмай бақириб, шерикларига маслаҳатлар бериб турарди.
Португалия якунда қўшимча бўлимларда Францияни 1:0 ҳисобида мағлуб этди. Кейин жароҳат олган Роналду терма жамоани муваффақиятга руҳлантиргани ҳақида чиройли ҳикоя туғилди.
Бироқ ўша финал иштирокчиси Хосе Фонте бу воқеани барбод қилди.
"Биз бор эътиборимизни фақат ғалабага қаратгандик. Биз Роналдунинг хатти-ҳаракатлари ҳақида кейинроқ, ўйиндан олинган суратларни кўриб чиққанимизда билиб олдик.
Ўшанда биз нима бўлаётганини англадик. Ўйин давомида биз бор эътиборимизни фақат ғалаба қозониш вазифасига қаратдик", деди Фонте.
