Жозе Моуриньонинг «Реал»даги иш стратегияси маълум бўлди. Португалиялик мураббий жамоадаги асосий урғу бериладиган жиҳатларни белгилаб олди.

Жумладан, Моуриньонинг бош мақсади — «Реал»га қатъий ишчи интизомни қайтаришдан иборат. Жозе тартиб-интизом борасида футболчиларга нисбатан анча талабчан ҳисобланади.

Машғулотларда у жисмоний ва тактик тайёргарликни навбатма-навбат олиб боради. Бунда асосий эътибор тўп билан ишлашга қаратилган. Унинг машғулотлари жуда узоқ давом этмайди, аммо ўта юқори темпда кечади.