Yarim himoyachi Luka Modrich "Real"da o‘ynashda davom etadi. Madrid klubi o‘zining rasmiy sayti orqali xorvatiyalik futbolchi bilan shartnoma uzaytirilganini ma’lum qildi.
38 yoshli Modrichning yangi mehnat shartnomasi 2024/2025 yilgi mavsum oxirigacha amal qiladi. Modrich "Tottenxem"dan o‘tganidan so‘ng 2012 yilning yozi oxiridan beri "Real"da o‘ynamoqda.
O‘n ikki mavsumda Luka 26 ta chempionlikni qo‘lga kiritdi, shu jumladan 6 ta Chempionlar Ligasi sovrini. 2018 yilda Modrich "Oltin to‘p"ni qo‘lga kiritdi. Hammasi bo‘lib Luka Modrich "Real" safida 534 ta rasmiy o‘yin o‘tkazib, o‘z hisobiga 39 ta gol va 86 ta golli uzatma yozdirib qo‘ygan.
