Yaponiya terma jamoasi yarim himoyachisi Kaysyu Sano jinsiy tajovuzda gumonlanib hibsga olindi.
Tokio polisiyasi ma’lumotlariga ko‘ra, 23 yoshli yaponiyalik va "Mayns" futbolchisi 20 yoshdan 30 yoshgacha bo‘lgan ikki tanishi bilan birga 30 yoshdan 40 yoshgacha bo‘lgan ayolga jinsiy zo‘ravonlik qilganlikda gumon qilinib, hibsga olingan. Polisiya yoshlar o‘z ayblariga iqror bo‘lgan-bo‘lmasligi haqida ma’lumot bermagan.
Tergov manbalariga ko‘ra, ular shanba kuni kechqurun ayol va uning dugonasi bilan kechki ovqatlangan. Do‘sti soat 2 larda uyiga borganidan so‘ng, ayol mehmonxonada Sano va uning do‘stlari tomonidan jinsiy tajovuzga uchradi.
Voqea sodir bo‘lganidan so‘ng u darhol polisiyaga qo‘ng‘iroq qilgan va mehmonxona yaqinidagi ko‘chada bo‘lgan gumondorlar hibsga olingan.
Sano Yaponiya terma jamoasi safida to‘rtta o‘yin o‘tkazgan va bu yil Qatarda bo‘lib o‘tgan Osiyo Kubogida jamoa tarkibida ishtirok etgan. Iyul oyi boshida futbolchi Yaponiyaning “Kashima Antlers” klubidan o‘tgan “Mayns” bilan shartnoma imzoladi.
Sanoning sobiq klubi allaqachon "sobiq futbolchisi bilan bog‘liq vaziyatdan juda xavotirda" va "vaziyatni diqqat bilan kuzatib borishini" aytgan.
