Япония терма жамоаси ярим ҳимоячиси Кайсю Сано жинсий тажовузда гумонланиб ҳибсга олинди.
Токио полицияси маълумотларига кўра, 23 ёшли япониялик ва "Майнц" футболчиси 20 ёшдан 30 ёшгача бўлган икки таниши билан бирга 30 ёшдан 40 ёшгача бўлган аёлга жинсий зўравонлик қилганликда гумон қилиниб, ҳибсга олинган. Полиция ёшлар ўз айбларига иқрор бўлган-бўлмаслиги ҳақида маълумот бермаган.
Тергов манбаларига кўра, улар шанба куни кечқурун аёл ва унинг дугонаси билан кечки овқатланган. Дўсти соат 2 ларда уйига борганидан сўнг, аёл меҳмонхонада Сано ва унинг дўстлари томонидан жинсий тажовузга учради.
Воқеа содир бўлганидан сўнг у дарҳол полицияга қўнғироқ қилган ва меҳмонхона яқинидаги кўчада бўлган гумондорлар ҳибсга олинган.
Сано Япония терма жамоаси сафида тўртта ўйин ўтказган ва бу йил Қатарда бўлиб ўтган Осиё Кубогида жамоа таркибида иштирок этган. Июль ойи бошида футболчи Япониянинг “Кашима Антлерс” клубидан ўтган “Майнц” билан шартнома имзолади.
Санонинг собиқ клуби аллақачон "собиқ футболчиси билан боғлиқ вазиятдан жуда хавотирда" ва "вазиятни диққат билан кузатиб боришини" айтган.
