Мадриднинг «Реал» клуби бош мураббийи Альваро Арбелоа Килиан Мбаппенинг ҳолати ҳақида маълумот берди. Франциялик ҳужумчи Ла Лига доирасида «Эспаньол»га қарши кечган якшанба кунги баҳсни жароҳати сабабли ўтказиб юборди. Учрашув «қаймоқранглилар»нинг 2:0 ҳисобидаги ғалабаси билан якунланди.

Навбатдаги турда, 10 май куни мадридликлар «Барселона»га қарши майдонга тушади.

«Килианнинг "Эл Класико"гача тикланишга улгуришини кузатамиз. Тиббий текширув натижаларига кўра, унинг соғайиши учун бироз кўпроқ вақт талаб этиладигандек кўринмоқда, аммо вазиятга қараймиз», — дея Арбелоанинг сўзларини келтиради «Madrid Zone».

Агар «кўк-анорранглилар» «Камп Ноу»да бўлиб ўтадиган навбатдаги баҳсда «Реал»га мағлуб бўлишмаса, муддатидан олдин чемпионликни қўлга киритишади.