ОАВдаги миш-мишларга қарамай, ярим ҳимоячи Френки де Йонг катта эҳтимол билан «Барселона»да ўйнашда давом этади. Бу ҳақда журналист Жуан Жезус хабар бермоқда.
Манба берган маълумотларга кўра, «кўк-анорранглилар» бош мураббийи Ханс-Дитер Флик голландиялик футболчига тўлиқ ишонч билдирмоқда ва уни ўз жамоасининг асосий ўйинчиси деб ҳисоблайди. Немис мутахассиси ҳавбекнинг жароҳатдан сўнг майдонга қайтиши бўйича аниқ режа ишлаб чиққан.
Шу билан бирга, де Йонг атрофидаги вазиятни Англияда синчковлик билан кузатиб боришаётгани қайд этилган. «Челси» бош мураббийи Хаби Алонсо ярим ҳимоячининг иқтидорига юқори баҳо беради, шу сабабли уни ўз жамоасида кўришни хоҳламоқда.
