OAVdagi mish-mishlarga qaramay, yarim himoyachi Frenki de Yong katta ehtimol bilan «Barselona»da o‘ynashda davom etadi. Bu haqda jurnalist Juan Jezus xabar bermoqda.

Manba bergan ma’lumotlarga ko‘ra, «ko‘k-anorranglilar» bosh murabbiyi Xans-Diter Flik gollandiyalik futbolchiga to‘liq ishonch bildirmoqda va uni o‘z jamoasining asosiy o‘yinchisi deb hisoblaydi. Nemis mutaxassisi havbekning jarohatdan so‘ng maydonga qaytishi bo‘yicha aniq reja ishlab chiqqan.

Shu bilan birga, de Yong atrofidagi vaziyatni Angliyada sinchkovlik bilan kuzatib borishayotgani qayd etilgan. «Chelsi» bosh murabbiyi Xabi Alonso yarim himoyachining iqtidoriga yuqori baho beradi, shu sababli uni o‘z jamoasida ko‘rishni xohlamoqda.