«Барселона» вингери Рафинья Саудия Арабистони клубларидан бўлаётган қизиқишлар фонида ўз келажаги борасида бир қарорга келди.
Marca нашри берган хабарга кўра, бугунги кунда Рафинья клубни тарк этиш ниятида эмас. Бразилиялик футболчи камида шу ёзда «Барселона»дан кетмоқчи эмас ва клуб раҳбарияти унинг бу позициясидан хабардор. Каталония клуби эса бу масалада шошилмоқчи эмас — «кўк-анорранглилар» вазиятни фақат Рафинья бўйича расмий таклиф тушгандан кейингина таҳлил қилиб кўрадилар.
29 ёшли Рафиньянинг трансфер қиймати Transfermarkt портали томонидан 80 миллион еврога баҳоланмоқда. Жорий мавсумда бразилиялик футболчи 31 та ўйинда майдонга тушиб, 19 та гол урди ва 8 та голли узатмани амалга оширди.
