Испания футболида VAR (видеотакрорлар) тизими жорий этилгандан буён ҳакамларнинг қарорлари муҳокамалар марказида бўлиб келмоқда. Таниқли таҳлилчи Фран Мартинес агар ушбу тизим қарорлари бекор қилинганида, гранд жамоаларнинг ҳолати қандай кўриниш олиши ҳақидаги статистик маълумотларни эълон қилди.

Таҳлилларга кўра, VAR тизими бўлмаганида "Реал" клуби энг кўп фойда кўрган жамоага айланар эди. "Қироллик клуби" 87 та ҳолатда ижобий қарорларга эга бўлар, фақат 48 та вазиятда зарар кўриши мумкин эди (умумий кўрсаткич +39).

Аксинча, "Барселона" учун ҳолат бошқача кўриниш олган. Каталонияликлар VAR'сиз 48 та вазиятда фойда кўрган ҳолда, 58 та ҳолатда зарар кўрган бўлар эди. Бу эса жамоа учун умумий ҳисобда -10 кўрсаткичини англатади.