Ispaniya futbolida VAR (videotakrorlar) tizimi joriy etilgandan buyon hakamlarning qarorlari muhokamalar markazida bo‘lib kelmoqda. Taniqli tahlilchi Fran Martines agar ushbu tizim qarorlari bekor qilinganida, grand jamoalarning holati qanday ko‘rinish olishi haqidagi statistik ma’lumotlarni e’lon qildi.
Tahlillarga ko‘ra, VAR tizimi bo‘lmaganida "Real" klubi eng ko‘p foyda ko‘rgan jamoaga aylanar edi. "Qirollik klubi" 87 ta holatda ijobiy qarorlarga ega bo‘lar, faqat 48 ta vaziyatda zarar ko‘rishi mumkin edi (umumiy ko‘rsatkich +39).
Aksincha, "Barselona" uchun holat boshqacha ko‘rinish olgan. Kataloniyaliklar VAR'siz 48 ta vaziyatda foyda ko‘rgan holda, 58 ta holatda zarar ko‘rgan bo‘lar edi. Bu esa jamoa uchun umumiy hisobda -10 ko‘rsatkichini anglatadi.
