Londonning "Chelsi" klubi "Yuventus"ning hujumkor yarim himoyachisi Kenan Yildizga e’tibor qaratmoqda.
19 yoshli futbolchi A Seriyaning asosiy yosh iste’dodlaridan biri sanaladi va "Yuventus" turkiyalik uchun yangi shartnoma va o‘ninchi raqamni tayyorlayotgani haqida mish-mishlar tarqaldi. Jurnalist Fabiana della Vallening yozishicha, Yildiz uchun “Chelsi” da’vogarlik qilmoqda. Ingliz klubi vunderkindning muvaffaqiyatini kuzatmoqda, ammo u "byankonerilar" safini tark etish niyatida emas.
Kenan Yildiz “Yuventus” safida 32 ta o‘yinda maydonga tushib, 4 ta gol va 1 ta golli uzatmaga mualliflik qilgan.
