"Chelsi" va "Napoli" Romelu Lukaku va Viktor Osimxen uchun muzokaralarni davom ettirmoqda.

Jurnalist Ben Jeykobsning so‘zlariga ko‘ra, London klubi nigeriyalik hujumchining shartnomasida ko‘rsatilgan 120+ million yevrolik tovon pulini faollashtirish niyatida emas. Agar narx tushsa yoki kelishuv tuzilmasi jozibador bo‘lsa, "ko‘klar" futbolchini "PSJ" va Saudiya Arabistonining "Al-Ahli" klublari bilan qo‘lga kiritish uchun raqobatlashadi.

Viktorning ehtimoliy transferi borasidagi muzokaralar Romelu Lukakuning transferi muhokamasi bilan bir vaqtda olib borilmoqda. Belgiyalik futbolchi maoshini kamaytirishga rozi bo‘lib, "Napoli" bilan uch yillik shartnoma imzoladi. Neapolliklar 31 yoshli futbolchi uchun 25 million funt taklif qilishgan, londonliklar esa 38 million olishni kutmoqda.

Osimxenning inglizlar jamoasiga o‘tishi ijara sifatida rasmiylashtirilishi mumkin. Agar tomonlar bu borada kelishib olsa, italiyaliklar shartnomaga “Chelsi” Chempionlar ligasiga kirsa, futbolchini majburiy sotib olish bandini kiritishga harakat qiladi.

Qayd etilishicha, “ko‘klar” Samu Omorodion transferi bo‘yicha Madridning “Atletiko” klubi bilan ham muzokara olib bormoqda. Madridliklar 20 yoshli forvardni qo‘yib yuborishni istamayapti va tovon pulini 120 million yevroga oshirish orqali shartnomani uzaytirishga umid qilmoqda.