"Челси" ва "Наполи" Ромелу Лукаку ва Виктор Осимхен учун музокараларни давом эттирмоқда.

Журналист Бен Жейкобснинг сўзларига кўра, Лондон клуби нигериялик ҳужумчининг шартномасида кўрсатилган 120+ миллион евролик товон пулини фаоллаштириш ниятида эмас. Агар нарх тушса ёки келишув тузилмаси жозибадор бўлса, "кўклар" футболчини "ПСЖ" ва Саудия Арабистонининг "Ал-Аҳли" клублари билан қўлга киритиш учун рақобатлашади.

Викторнинг эҳтимолий трансфери борасидаги музокаралар Ромелу Лукакунинг трансфери муҳокамаси билан бир вақтда олиб борилмоқда. Бельгиялик футболчи маошини камайтиришга рози бўлиб, "Наполи" билан уч йиллик шартнома имзолади. Неаполликлар 31 ёшли футболчи учун 25 миллион фунт таклиф қилишган, лондонликлар эса 38 миллион олишни кутмоқда.

Осимхеннинг инглизлар жамоасига ўтиши ижара сифатида расмийлаштирилиши мумкин. Агар томонлар бу борада келишиб олса, италияликлар шартномага “Челси” Чемпионлар лигасига кирса, футболчини мажбурий сотиб олиш бандини киритишга ҳаракат қилади.

Қайд этилишича, “кўклар” Саму Омородион трансфери бўйича Мадриднинг “Атлетико” клуби билан ҳам музокара олиб бормоқда. Мадридликлар 20 ёшли форвардни қўйиб юборишни истамаяпти ва товон пулини 120 миллион еврога ошириш орқали шартномани узайтиришга умид қилмоқда.